ХСИС-ийн ЦС-ийн ГАТ

Таны мэдээлэл алдагдсан эсэхийг хэрхэн мэдэх вэ?

Admin — Tue, 19 Aug 2014 04:37:08 GMT

Ойрын үед дэлхий даяар олон сайт халдлагад өртөж хэрэглэгчийн мэдээллийг хулгайд алдах тохиолдол маш ихээр гарч байгаа билээ.

Хэрэглэгчийн мэдээлэл нь маш их үнэ хүрдэг учир энэ төрлийн гэмт хэрэг ихсэж байгаа юм.

Энэ сайт нь таны мэдээлэл тухайн сайтаас алдагдсан эсэхийг шалгадаг сайт юм.

Have I Been Pwned?

https://haveibeenpwned.com

Хэрэглэхэд маш амар хэрэглэгчийн нэр эсвэл э-майл хаягаа хийхэд л болно.
Энэ сайтаар шалгахад мэдээллээ алдаагүй гэж гарсан ч 100% итгэх хэрэггүй. Гэхдээ иймэрхүү сайт үүсэж байнаа гэдэг нь асуудал гарч байна гэсэн үг юм.

Та бүхэн нууц үгээ маш найдвартай хадгалж байгаарай.

Орхон аймагт тагнах, чагнах төхөөрөмжийг хураан авч байсан

Admin — Sat, 08 Mar 2014 14:36:04 GMT

Тагнуулын ерөнхий газрын Орхон аймаг дахь Тагнуулын хэлтэс тус аймаг дахь худалдааны төв, дэлгүүрүүдэд гэнэтийн шалгалт хийж, тагнах, чагнах зориулалттай найман төрлийн техник хэрэгсэл хураан авсан байсан.

Нууцаар дүрс бичлэг хийх аппарат, дуу хураагч, камертай цаг, түлхүүрийн оосор, үзэг, флаш, товч, нүдний шил, үнсний сав, болон гар утасны сим карт ашиглан, бусдын яриаг зайнаас сонсох зориулалттай техник зэрэг зүйлсийг тус аймагт дөрвөн хүн зарж борлуулж байсан аж. Эдгээрийг ашиг олохын тулд авчирч зарсан гэж тэд ярьжээ. Бусдын захиалгаар авчирсан техник хэрэгсэл ч байсан гэнэ. Сонгууль дөхөхөөр ийм төхөөрөмжийн захиалга, борлуулалт эрс нэмэгддэг агаад гадаадын иргэд заримыг нь тусгайлан захиалж авчруулдаг тухай тэд мэдүүлсэн байна.

Тагнуулын багаж, хэрэгслүүд

Admin — Sat, 08 Mar 2014 14:31:37 GMT

Одоо та бүхэндээ 20 жилийн өмнөх Улсыг аюулаас хамгаалах хороо (КГБ), Америкийн тагнуулын төв газар (CIA) -уудын ашигладаг байсан нууц багаж хэрэгсэл болон техникийг танилцуулж байна. Эдгээр нь тухайн үедээ нууц байсан боловч одоо түүх болон үлдсэн билээ. Тагнуулын үйл ажиллагаа нэлээд зохион байгуулалттай, төлөвлөөгөөтэй байх шаардлагатай бөгөөд ганц л зүйл буруу болвол бүх ажил нурах болно. Иймд тэд үнэхээр ур ухаанаа ашиглаж эдгээр хэрэгслүүдийг бүтээсэн болох нь харагдаж байна.

Усны савны хэлбэртэй тэсрэх бөмбөг. Таглааг онгойлгоход тэсрэх бөмбөг дэлбэрдэг байна.

Товчинд нууж болох луужин. Шаардлага гарсан үед тагнуулч хоёр товчийг нийлүүлж луужин болгоод чиглэлээ тодорхойлдог байна.

Уруулын будагны хэлбэртэй буу. 4,5 мм-ийн диаметртэй сумаар бууддаг байсан бөгөөд "Үндэсний аюулгүй байдлын газар”-ын эмэгтэй тагнуулчдын хэрэглээ байсан байна.

Тэсрэх бодисыг будаж, өөр өнгөнд оруулж нууцлах багаж.

АЯКС зургийн аппарат. Харагдаж буй энэхүү хэсэг нь зөвхөн аппаратны удирдлага бөгөөд аппаратыг товчин дотор нуусан байгаа аж.

Нууц зоос. Энэхүү зоосны завсар захиа болон микро кино багтаах зайтай гэнэ.

Нууцыг хадгалах хэрэгслүүд. Запник

Нүдний шилний чихний хэсэгт хор агуулсан капсул байгаа бөгөөд үүнийг 1970-аад оны үед "Тагнуулын төв газар” хэрэглэж байсан.

Камертай үзэг.

Цианидаар бууддаг буу.

Шувуун дээр бэхлэхэд зориулагдсан зориулалтын зургийн аппарат.

Гаансны хэлбэртэй буу.

Буун бээлий.

Зарим нэг жижиг зүйлийг хийх сав болон бяцхан багаж хэрэгсэл.

Гутлын өсгийнд сонсох төхөөрөмж суулгадаг байсан байна. Ийм гутлыг хаана ч, ямар ч дэлгүүрээс худалдаж авах боломжтой. Харин энэхүү аюулаас болгоомжлохыг хүссэн хүмүүс өөр гутал авдаг байсан аж. Гэсэн хэдий ч энэ гутлын худалдаа их байсан бөгөөд мэдээлэл дамжуулах хамгийн чухал хэрэгслүүдийн нэг болж байв.

Тамхины хэлбэртэй гар буу.

Хорт зүүгээр бууддаг шүхэр.

Бяцхан камертай цаг. Германы тагнуулчдын зохиосон багаж.

Энэхүү өвөрмөц "хожуул” нь "Тагнуулын төв газар”-ынханд "Агаарын нисэх хүчний эсрэг” багийнханыг тагнахад ашиглахад тус болдог байсан байна. Гэвч "Үндэсний аюулгүй байдлын газар”(CIA)-ынхан үүнийг олж илрүүлсэн бөгөөд тэр даруйд нь устгасан аж.

300 метрийн радиусын зайнд хөдөлгөөнийг мэдэрдэг энэхүү хэрэгсэл нь "Тагнуулын төв газар”-ын албан хаагчдад хөдлөж буй хүн, техник болон амьтдыг илрүүлэхэд томоохон нөлөө үзүүлдэг байсан байна.

Эдгээр мөчир мэт зүүгээр нарийн зай гаргахад ашигладаг байсан аж.

Толинд нууц код хадгалагдсан байгаа бөгөөд үүнийг зөвхөн тусгай булангаас харж болдог байна. Энэхүү толины тусламжтайгаар ямар нэг кодыг бусдад мэдэгдэхгүйгээр дамжуулж болох аж.

Мөн хамгийн найдвартай код дамжуулах аргын нэг нь санаандгүй олон тоог бичсэн цуглуулга юм. Үүнийг ганцхан удаа хэрэглэж болох бөгөөд нэг нь илгээгчид, нөгөөх нь хүлээн авагчид л байдаг байна.

Англи хэлний өргөн хэрэглэгддэг 1000 үг

Admin — Sat, 08 Mar 2014 14:29:24 GMT

Англи хэлний өргөн хэрэглэгддэг 1000 үг

Зээлийн компьютерүүд "тагнуул" байжээ

Admin — Sat, 08 Mar 2014 14:21:19 GMT

Зээлээр худалдсан компьютерийн эздийн араас мөрдөж байсан гэх асуудалд Америкийн хэд хэдэн худалдааны сүлжээнүүд орооцолдсон байна. Эдгээр компьютер болон нөүтбүүкнүүдийн хатуу дискэн дээр чухам ийм зорилгоор ашиглагддаг PC Rental Agent программ хангамж суулгагдсан байв. Ингэснээр худалдаачид түрээсээр өгсөн юм уу зээлээр худалдсан техник хэрэгслийнхээ байр байдлыг хянах боломжтой болжээ. Тэдгээр худалдааны төвүүдийн мөрддөг дүрэм ёсоор бол түүний төлбөр бүрэн хийгдэж дуусах хүртэл тус компьютер дэлгүүрийн өмчид тооцогддог байна. Хугацаа хэтрүүлбэл тэд техник хэрэгслээ буцаагаад авчихдаг аж. Дээрх программ хангамжийн тусламжтайгаар хүссэн үедээ вэб камерыг идэвхжүүлж, Screenshot хийж, товчлуурын даралтыг бичиж авах боломжтой гэнэ. Мөн тухайн компьютер хаана байгаа болон ямархуу байдалтай байгааг нь хянах бололцоотой юм.

АНУ-ын засаг захиргаа үүнийг хууль бус үйлдэл хэмээн үзэв. Холбооны худалдааны комисс дээрх программ хангамжийг бүтээгч болон түүнийг ашиглаж байсан долоон компанийн асуудлыг шалгаж дуусчээ. Тэднийг буруутайд тооцсон бөгөөд хохирсон худалдан авагчдад нөхөн төлбөр олгохыг шаардав. Тус компаниуд худалдан авагчдад уг программын хийдэг бүх үйлдлүүдийн талаар анхааруулах ёстой байсан гэнэ. Зарим нэг тохиолдолд дэлгүүрийн ажилтнууд хэрэглэгчдийн араас зүгээр л саваагүйтэн тагнуулддаг байжээ. Жишээ нь, хохирогч нэг эмэгтэй нөүтбүүкнийхээ ард дотуур хувцастайгаа юм уу чармай нүцгэн суудаг байснаа өгүүлэв. Хэрэглэгчид төлбөрөө бүрэн гүйцэд хийсний дараа ч тэднийг мөрдөх ажиллагаа үргэлжилж байсан тохиолдол гарчээ. Энэ зальтай программ хангамжийн үйлдлүүд илэрснээр зарим нэг хохирогчид өөрсдийг нь тагнуулдсан дэлгүүрүүдийг шүүхэд өгөхөөр болсон гэнэ.

Англи хэлний өргөн хэрэглэгддэг 200 өгүүлбэр

Admin — Sat, 08 Mar 2014 14:16:14 GMT

Англи хэлний өргөн хэрэглэгддэг 200 өгүүлбэр

1. I see - Би ойлголоо

2. I quit! - Би болилоо
3. Let go! - Явуулаач
4. Me too - Би ч гэсэн
5. My god! - Бурхан минь!
6. No way! - Яг ш дээ.
7. Come on - Алив.
8. Hold on - Байж байгаарай
9. I agree - Би зөвшөөрчихнө, би ч гэсэн
10. Not bad - муугүй шүү
11. Not yet - Одоохондоо арай болоогүй байна
12. See you - Баяртай
13. Shup up! - Амаа тат, дуугүй бай
14. So long - Мөд уулзая, түр баяртай
15. Why not? - Яагаад үгүй гэж
16. Allow me - Алив би хийе
17. Be quiet! - Чимээгүй!
20. Have fun! - Сайхан хөгжилдөөрэй
18. Cheer up! - Амжилт
19. Good job! - Сайхан ажил, Сайн ажиллаа.
21. How much? - Хэдий үнэтэй
22. I’m full - Би цадчихлаа
23. I’m home - Би гэртээ
24. I’m lost - Би төөрчихлөө
25. My treat - Би даая.
26. So do i - Би ч гэсэн
27. This way - Энэ зүг
28. After you - Таны дараа
29. Bless you! - Бурхан өршөөг
30. Follow me! - Намайг дагаад
31. Forget it! - Мартаж үз
32. Good luck! - Амжилт хүсье
33. I decline! - Зөвшөөрөхгүй байна
34. I promise - Амлаж байна.
35. Of course! - Тэгэлгүй яахав
36. Slow down! - Аяархан
37. Take care! - Болгоомжтой яваарай
38. They hurt - Тэд өвдчихсөн
39. Try again - Дахиад давт
40. Watch out! - Болгоомжтой
41. What’s up - Юу байнаа
42. Be careful! - Болгоомжтой
45. Guess what? - Яасан гээч
46. I doubt it - Би эргэлзэж байна.
47. I think so - Миний бодлоор, би тэгэж бодож байна
48. I’m single - Би ганц бие.
49. Keep it up! - гүйцэх
50. Let me see - Надад харуулаач

51. Never mind - Болилоо
52. No problem! - Асуудалгүй.
53. That’s all! - Ингээд л болоо.
54. Time is up - Цаг дуусаа
55. What’s new? - Сонин сайхан?
56. Count me on - Надад итгэж болно
57. Don’t worry - Санаа зоволтгүй
58. Feel better? - Арай дээрдэв үү?
59. I love you - Би чамд хайртай.
60. I’m his fan - Би түүний фен нь
61. Is it yours? - Энэ чинийх үү?
62. That’s neat - Гоё юмаа
63. Are you sure? - Та итгэлтэй байна уу?
64. Do i have to - Би заавал уу?
65. He is my age - Тэр надтай чацуу
66. Here you are - Чи энд байсан юм уу?
67. No one knows - Хэн ч мэдэхгүй
68. Take it easy - Тайвшир даа
69. What a pity! - Ямайр гайхалтай юм.
70. Аny thing else? - Өөр ямар нэг зүйл байна уу?
72. Do me a favor? - Надад туслаач
73. Help yourself - Өөртөө тусал
74. I’m on a diet - Би хоолны дэглэм барьж байгаа
75. Keep in touch - Холбоотой байгаарай
76. Time is money - Цаг бол алт
77. Who’s calling? - Хэн залгаж байна.
78. You did right - Чи зөв хийсэн байна
79. You set me up! - Чи намайг хулхидсан байна
80. Саn i help you? - Танд тусламж хэрэгтэй юу?
82. Excuse me, Sir - Өршөөгрөй ноёнтоон
83. Give me a hand! - Надад туслаач!
84. How’s it going? - Хэр явж байна даа?
85. I have no idea - Надад ямар ч мэдэх юм алга
86. I just made it! - Би дөнгөж сая ажуулчихлаа!
87. I’ll see to it! - Би харж л байя
88. I’m in a hurry! - Би яарч байна!
89. It’s her field - Энэ тэрний өөрийнх нь салбар
90. It’s up to you - Чамаас л бүх юм шалтгаална
91. Just wonderful! - Гайхамшигтай!
92. What about you? - Би яах юм болж байна?
93. You owe me one - Чи надад нэг өртэй
94. Your’re welcome - Тавтай морил
95. Any day will do - Хэзээ ч хйисэн яахав
96. Are you kidding? - Чи тоглоогүй биз?
97. Congratulations! - Баяр хүргье!

101. It sounds great! - Дажгүй сонсогдож байна.
102. It’s a fine day - Яахав дажгүй өдөр байна.
103. So far, so good - Дажгүй шүү.
104. What time is it? - Цаг хэд болж байна.
105. You can make it! - Би хийж чаднаа.
106. Control yourself! - Өөрийгөө удирд
107. He came be train - Тэр галт тэргээр ирсэн.
108. He is ill in bed - Тэр өвдөөд орондоо байгаа.
109. He lacks courage - Тэр зориггүй
110. How’s everything? - Бүх юм хэр байна даа?
111. I have no choice - Надад ямар ч сонголт алга.
112. I like ice cream - Би мөхөөлөдөст дуртэй
113. I love this game - Би энэ тоглоомонд дуртай.
114. I’ll try my best - Би байдгаараа хичээнээ
115. I’m on your side - Би чиний талд байгаа шүү
116. Lont time no see! - Удаан уулзалдсангүй
118. Well, it depends - Ер нь харж л байж больёо доо
119. We’re all for it - Бид бүгдээрээ тэрний төлөө байгаа
120. What a good deal! - Ямар сайхан санал вэ!
121. What should i do ? - Би яах ёстой вэ?
122. You asked for it! - Чи энийг л асуугаа биздээ
123. You have my word - Чи миний үгийг сонссон
124. Believe it or not! - Итгэнэ үү байна уу өөрөө мэд
125. Don’t count on me - Надад найдаад хэрэггүй шүү
126. Don’t fall for it! - Битгий тэрэнд унаж тусаад байгаарай
127. Don’t let me down - Намайг битгий мяаруулчихаарай даа
129. I beg your pardon - Юу гэнээ дахиад хэлдээ
130. I’ll be back soon - Би удахгүй ирнэ
131. I’ll check it out - Би яасанг нь харамз
132. It’s a long story - Их урт түүх байна
133. It’s sunday today - Өнөөдөр ням гараг
134. Just wait and see! - Хүлээгээд харж бай
135. Make up your mind - Алив нэг санаа боддоо
136. That’s all i need - Миний хэрэгэй бүх юм ингээд болоо
137. The view is great - Их гоё харагдаж байна
138. The wall has ears - Энэ хана чихтэй шүү.
139. There comes a bus - За автобус ирж байна
140. What day is today? - Өнөөдөр ямар өдөр билээ
141. What do you think? - Юу гэж бодож байна даа.
142. Who told you that? - Хэн чамд наадахыг чинь хэлсэн юм?
144. Yes’ i suppose so - За, би зөвшөөрөхөөс дөө.
145. You can’t miss it - Боломжийг бүү алд
146. Any messages for me? - Надад ямар нэг захидал байна уу?
148. DOn’t give me that! - Надад битгий наадахаа өг
149. He is a smart boy - Тэр их ухаантай хүү
150. He is just a child - Тэр чинь жаахан хүүхэд шүү дээ.
98. I can’t help it - Би яаж ч чадахгүй нь
99. I don’t mean it - Би тэгье гэж бодоогүй
100. I’ll fix you up - Би чамд туслана аа

151. I can’t follow you - Би чамайг дагаж чадахгүйнээ
152. I felt sort of ill - Би нэг л өвдөөд байх шиг байна
153. I have a good idea! - Надад сайхан санаа байна.
155. It seems all right - Яахав дажгүй л харагдаж байна.
156. It’s going too far - Энэ хэтэрхий хол явчихлаа
157. May i use your pen? - Таны үзгийг хэрэглэж болох уу?
158. She had a bad cold - Тэр ханиад хүрчихсэн
159. That’s a good idea - Наадах чинь дажгүй санаа байна.
160. The answer is zero - Хариулт нь бол 0.
161. What does she like? - Тэр юунд дуртай вэ?
162. As soon as possible! - Аль болох хурдан
163. He can hardly speak - Тэр бараг ярьж чадахгүй
164. He always talks big - Тэр дандаа хог тарьж байдаг юм
165. He won an election - Тэр сонгуульд ялсан
166. I’m a football fan - Би хөлбөмбөгийн хорхойтон
167. If only i could fly - Хэрвээ би нисч чаддагсан бол
168. I’ll be right there - Би наана чинь одоохон очлоо
169. I’ll see you at six - 6-д уулзья
170. It is true or false? - Энэ үнэн үү? Худал уу?
171. Just read it for me - Надад уншаад өгөөч
172. Knowledge is power - Мэдлэг бол хүч
173. Move out of my way! - Миний замаас холд
174. Time is running out - Цаг дуусч байна
175. We are good friends - Би сайн найзууд
176. What’s your trouble? - Чамд юу тохиолдов? Яачихаав?
177. You did fairly well! - Чи маш сайн хийсэн байна штээ
178. Clothes make the man - Хувцас бол бурхан
179. Did you miss the bus? - Автобуснаасаа хоцорчихсон юмуу?
180. Don’t lose your head - Битгий толгойгоо алдчихаарай

181. He can’t take a joke - Тэр тоглоом даадаггүйм
182. He owes my uncle $100 - Тэр миний авга ахад 100-н өртэй
183. How are things going? - Xэр байна?
184. How are you recently? - Ойрд чи хэр байна?
185. I know all about it - Би бүгдийг нь мэднэ
186. It really takes time - Энэ үнэхээр цаг авах юмаа
187. It’s against he law - Энэ хууль зөрчиж байна
189. My mouth is watering - Арааны шүлс гоожиж байна
190. Speak louder, please - Чанга яриач, тэгэх үү?
191. This boy has no job - Тэр хүү ажилгүй
192. This house is my own - Энэ байшин минийх
193. What happened to you? - Чамд юу тохиолдов?
194. You are just in time - Чи яг цагтаа ирлээ
195. You need to workout - Чи жаахан дасгал хийх хэрэгтэй
196. Your hand feels cold - Чиний гар чинь хүйтэн байна
197. Don’t be so childish - Битгий хүүхэд шиг аашлаад бай
198. Don’t trust to chance! - Боломжинд битгий итгэ
199. Fasten your seat belt - Суудлынхаа даруулгыг хийгээрэй
200. He has a large income - Тэр их орлоготой хүн

"LG"-ийн ухаалаг зурагт тагнуул хийдэг үү?

Admin — Sat, 08 Mar 2014 14:08:15 GMT

"LG"-гийн ухаалаг зурагтын үзсэн сувгийг санах тохиргоо үйлдвэрээсээ автоматаар хийгдсэн байдаг аж. Харин зурагтын ашиглалтын зааварт тухайн тохиргооны тухай дэлгэрэнгүй байдаггүй байна. Гэтэл уг үйлдэл нь хэрэглэгчийн удирдлага тохируулгаас үл хамаарч үзсэн сувгийн мэдээллийг үйлчилгээний төв серверт дамжуулдаг болох нь тогтоогджээ. Тэр ч бүү хэл зурагт өөрийн хатуу диск дээрх файлын мэдээллийг цааш нь дамжуулах тохиргоотой аж.

Тагнуул хийх сонирхолтой хэрэгслүүд

Admin — Mon, 27 Jan 2014 14:48:43 GMT

Үсрэнгүй хөгжиж яваа технологийн салбарын мэдээ мэдээллийг хүргэдэг ТЕХНОЛОГИ булангийн энэ өдрийн мэдээллээр "High - Tech” цахим сайтуудаас харьцуулалт хийн сонгон авсан "SpyTech”-ийн өнөө цагийн шилдэг гэх дэвшилтэт хэрэгслүүдээс сонирхуулж байна. Жич: Зарим бичлэгийн чанарыг сайжруулж үзээрэй.

1. Бал хэлбэртэй "сканнер"

Технологийн салбарт тэргүүлэх зэргийн бараа бүтээгдэхүүн үйлчилгээг хүргэх зорилготой Канадын "PlanOn” компаниас гаргасан "Docupen” хэмээх бал хэлбэртэй сканнерыг технологийн сайтуудад тагнуул хийх шилдэг хэрэгслээр онцолжээ. Энгийн нэгэн бал шиг харагдах энэ хэрэгсэл USB холболтоор компьютертэй бүрэн холбогдох боломжтой, нэг хуудсыг 4 секундэд сканнерддаг, өнгөт болон хар цагаан аль ч өнгийн 300 dpi - 600 dpi зураг болон бусад бичиг баримтуудыг хялбархан сканнердах шилдэг шийдэл болжээ. Үнийн хувьд $159.99 - $399.99 доллар ажээ.

2. Эрэг шурганд нуугдсан "камер"

Салфетканы хайрцаг, ханын цаг, агаар цэвэршүүлэгч, разетка, зургийн жааз, зангиа, малгай гээд хаана л бол хаана, юунд л бол юунд суулгадаг камерийн технологи улам боловсронгуй болж эрэг шураг, боолтонд хүртэл нуугдах "болжээ”.

Энэ төрлийн камер үйлдвэрлэгч компаниуд материалын сонголт, хэмжээ, чанараасаа хамаарч харилцан адилгүй байх агаад БНХАУ-д олноор үйлдвэрлэгддэг гэсэн судалгаа байна. Үнийн хувьд тийм ч үнэтэй биш бөгөөд маш олон тоогоор нийлүүлдэг гэнэ. Эрэг шурганд нуугдсан эл камерийг дүрс хүлээн авагч, баттерейг нь цэнэглэгч, холбогч кабель зэрэг дагалдаж ирдэг ажээ. Мөн товчин хэлбэртэй ч байдаг байна.

3. Цахилгаан чемодан

Недерландын "Euro SpyShop” онлайн дэлгүүрт тавигдсан тагнуулын "өвөрмөц” хэрэгслийн нэг бол 80.000 вольтийн цахилгаан хүчдэл бүхий хамгаалалтын чемодан юм. 16 баттерейтэй, хоёр удирдлагатай тус чемоданд хадгалсан нууц бичиг баримтаа алдана гэж харин ч нэг айлтгүй болжээ. Хар ба хүрэн өнгөний сонголттой чемодан 3 кг жинтэй бөгөөд үнийн хувьд татвар нь ороод 1100 евро орчим байлаа.

4. "Lorex” хяналтын систем

Вайэрлесс мониторингийн системийг ажил болоод гэрийн нөхцөлд санал болгож байгаа "Lorex Technology” компаний хяналтын технологийг сүүлийн жилүүдэд шинээр гарсан шилдэг "тагнах” хэрэгслээр нэрлэсэн байна.

5. Фэйс Сканнер - Нарны шил

Хөлбөмбөгийн дэлхийн аварга шалгаруулах тэмцээн 2014 онд Бразильд зохион байгуулагдахтай уялдуулан тус улсын цагдаа нар "Робокоп” стилийн камертай нарны шилээр гангарах бололтой. Энэ шил нь секундэд 400 хүний төрхийг хадгалж, 13 сая зургийн сан бүхий компьютер рүү дамжуулах чадвартай бөгөөд 50 м алсаас гэмт хэрэгтний царайг "скан” хийж илрүүлэх бүрэн боломжтой технологи ажээ.

6. Дуу болон дүрс бичигч "бугуйн цаг"

Жинхэнэ брэндийн цаг мэт тансаг харагдах энэ төрлийн технологи MP3 тоглуулагчтай, дан дуу хураагуур эсвэл дүрс бичигч камертай гээд төрөл зүйлийн хувьд мөн л харилцан адилгүй юм. Энэ цагны хувьд 1080 пикселийн усны хамгаалалттай, өдөр шөнийн аль ч цагт бичлэг хийх нууц камертай цаг юм. Видеоны хэмжээ 1920 х 1080 байх ба 12 MP аппараттай, зураг авах хэмжээ 1600 х 1200 мөн дуу хураагууртай, 4GB / 8GB / 16GB санах ойтой гэх зэрэг цөөнгүй үзүүлэлтийг багтаажээ.

7. Гар утасны тагнуул - Програм

"MobiStealth” компаниас гаргасан энэхүү програмын тусламжтайгаар та хүссэн хүнийхээ хүлээн авсан болон гадагшаа хийж буй дуудлагыг "Live!” хэлбэрээр сонсох, мессэж болон мэйл листийг нь шалгах, тухайн хүнээ хаана яваа эсэх талаар болон тухайн утсан дээр хадгалаатай байгаа "Contact” листүүдийн дэлгэрэнгүй мэдээллийг авахаас эхлээд гар утастай холбоотой бүхнийг "түүнд” мэдэгдэлгүй авах боломжтой ажээ. Хамгийн гол нь минут хүрэхгүй хугацаанд тухайн хүнд мэдэгдэлгүйгээр энэ програм хангамж суух гэнэ.

8. Гар утас - Гар буу

Нисэх онгоцны буудал болоод цагдаа, хамгаалалтын ажилчдад зориулан бүтээж нэгэн үе нилээд шуугиан дэгдээгээд байсан 22 калибрийн энэхүү гар утас - гар буунд 4 сум ордог ажээ.

9. Тагнуулч - Асаагуур

Дэлхийн хамгийн анхны асаагуурыг XVI зуунд үүссэн гэж үздэг бөгөөд анхны гэгдэх нэгийг Германы химич Ёохан Вүльфган Дүберэйнер 1823 онд зохион бүтээж байсан гэдэг тэр цагаас хойш орчин үеийн асаагуурт нууц камер, дуу хураагуур, санах ойн карт зэрэг олон зүйлийг багтаах технологийн шинэ эрин иржээ. 2GB / 4GB / 8GB санах ойтой, хамгийн багадаа 640 х 480 хэмжээтэй бичлэг хийж, 1000 пиксель хол давсан зураг авах чадвартай "Тагнуулч - Асаагуур"-ын төрөл, хэв маягийг тоочоод баршгүй юм.

10. Лазер - Микрофон

Лазер чагнах төхөөрөмжийг анх 1940-өөд онд ОХУ-ын зохион бүтээгч Лев Сергеевич Термен (1896 - 1993) зохион бүтээсэн гэдэг бөгөөд энэхүү цомхон мэдээллээр "тагнах - лазер” технологийг хэрхэн өөрөө бүтээх талаар сонирхолтой мэдээлэлтэй танилцсанаа хуваалцаж байна.

Та тагнуулаад байгаа юм биш биз /Хувийн мэдээллээ хамгаалах 10 энгийн арга/

Admin — Mon, 27 Jan 2014 14:33:19 GMT

Сүүлийн үед интернэт, гар утас хөгжихийн хэрээр таны хувийн мэдээлэл алдагдах, буруугаар ашиглагдах магадлал улам бүр өсч байгаа билээ. Тиймээс санаж явахад илүүдэхгүй 10 зөвлөмжийг хүргэж байна.

Гар утас, таблет, компьютер гээд хувийн төхөөрөмжиндөө нууц үгний хамгаалалт байнга хийж байх. Ингэж хамгаалаагүй орхих нь өнөө үед гэрээ цоожлоогүй орхисноос ялгаагүй.

Нэрээ Google Alert-д бүртгүүл. Таны тухай онлайн ертөнцөд юу яригдаж байгааг хянах хамгийн энгийн арга. http://www.google.com/alerts хаягт нэвтэрч өөрийн нэр, нэрний хувилбаруудаа хашилттайгаар оруул. Ингээд та өөрийнхөө тухай мэдээллээс хоцрохгүй боллоо.

Та өөр хүний эсвэл, нийтийн компьютер хэрэглэж байгаа бол дууссаныхаа дараа заавал хэрэглэж байсан үйлчилгээнээсээ Sign out хийж байх хэрэгтэй. Үүнийг мартаж орхивол өөр нэгэн таны мэдээлэлд нэвтрэх эрх нээлттэй үлдэнэ.

Ямар нэг үйлчилгээний газрын ажилтан таны имэйл, утасны дугаар, гэрийн хаяг зэрэг мэдээллийг асуувал аль болох өгөхгүй байх хэрэгтэй.

Компьютерээ кодолж байх. Ингээгүй тохиолдолд таны компьютерын хард дискнээс өөр нэгэн этгээд мэдээлэл хулгайлах боломжтой болно. Mac ашигладаг бол Settings рүүгээ ороод "Security and Privacy” дотроос FileVault-ыг нь On болгох хэрэгтэй. PC хэрэглэдэг бол Bitlocker ашиглах хэрэгтэй.

Gmail account дээрээ 2 давхар шалгах тохиргоо хийх. Хэрвээ таны Gmail box руу урьд нь нэвтэрч байгаагүй шинэ компьютер эсвэл төхөөрөмжнөөс ороход пассворд асуухаас гадна таны гар утас руу давхар нэвтрэх код явуулдаг. Ингэж 2 давхар хамгаалалт хийснээр өөр хүн таны Gmail рүү нэвтрэхээс сэргийлнэ.

Аахар шаахар зүйлсийн төлбөрийг бэлнээр хийх хэрэгтэй. Кардаар хийхэд заавал мэдээлэл үлдэх тул таньд дараа түвэг учруулах эсэхээ тооцоорой.

Facebook-ынхаа тохиргоог "Friends only” болгосон нь дээр. Энэ тохиргоо Public байх хэрэггүй. Custom гэж байвал өөр ямар сүлжээтэй Share хийснээ шалгачих хэрэгтэй.

Броузерынхаа түүх, cookie зэргийг тогтмол устгаж байх. Тохиргоон дээр нь автоматаар устгаж байхаар тохируулбал бүр сайн. Тэр түүхийг тань ашиглан таны үйлдэл бүрийг мөрдөх боломж бий болно.

IP хаягаа нууцлах. Таны интернэтэд үлдээсэн мөр тань IP хаягаар хаа сайгүй хадгалагдаж байгаа. Тиймээс жинхэнэ IP хаягаа нуухын тулд TOR программ суулгах эсвэл Browser based хэрэглээнд бол HideMyAss.com ашиглах хэрэгтэй.

http://www.ikon.mn/

Гар утсыг чинь чагнаж байгааг яаж мэдэх вэ?

Admin — Mon, 27 Jan 2014 14:22:17 GMT

Сүүлийн үед тусгай албад нэр алдартай улстөрчөөс эхлээд жирийн иргэн хүртэл хэдэн зуун сая хүний утсыг өдөр болгон сонсдог байсан нь илэрч ихээхэн дуулиан тариад байгаа. Гэхдээ зөвхөн тусгай албад хүний утсыг нууцаар чагнадаг гэвэл том төөрөгдөл болно. Бизнесийн өрсөлдөгчдөөс эхлээд хартай эхнэр хүртэл хэн ч нууцаар чагнаж болно. Иймд гар утасны чинь яриаг нууцаар чагнаж байгаа гэдгийг яаж мэдэх вэ гэдэг чухал асуудал болж хувирлаа.

Утас ухаалаг болохын хэрээр гар утсанд суулган яриа, мессеж зэргийг нууцаар чагнадаг олон янзын тусгай программ бий болжээ. Ийм программыг алсаас суулгаж болдог бөгөөд утсанд суусны дараагаар утасны яриа, SMS-ийг хуулбарлаад өөрт нь суулгаж өгсөн дугаар руу илгээдэг. Мөн утасны бүртгэлд байгаа дугаарыг хуулж явуулах, утасны байгаа байрлалын талаарх мэдээллийг явуулахаас гадна утсаар яриагүй байсан ч эргэн тойронд болж байгаа яриаг чагнах боломж олгодог.

Ийм хулгайч программ утсанд суусан байж болзошгүйг илтгэдэг хэд хэдэн шинж тэмдэг байдаг аж.

1.Утасны зай хэт хурдан суух

Утасны зай хэт хурдан суух нь нууц программ суулгасны шинж тэмдэг байж болно. Мөн утасны зай байнга халуун байдаг мөн л таагүй шинж тэмдэг. Гэхдээ утсанд өөрт нь асуудал байгаагаас ийм зүйл үүссэн байж болох талтай тул ямар нэгэн программ нууцаар суулгасан байгаа эсэхийг мэргэжлийн хүмүүсээр шалгуулж үзэхэд илүүдэхгүй.

2.Утасны ажиллагаанд доголдол үүсэх

Утсыг унтраахад хэт удах, өөрөө гэнэт рестарт хийх, товчлуур дараагүй байхад дэлгэцний гэрэлтүүлэг гэнэт асах зэрэг нь мөн л нууц программ байгаагийн шинж тэмдэг байж болно.

3.Хөндлөнгийн дуу чимээ

Утсыг нууцаар чагнаж байгаа тохиолдолд хүн ярьж байхад хөндлөнгийн дуу чимээ, бүр огт өөр хүний яриа, шуугиан орж ирж сонсогддог.

4.Бусад төхөөрөмжинд үзүүлэх нөлөө

Чанга яригч, зурагтын хажууд тавьсан утсанд гаднаас дуудлага ирэх үед өвөрмөц дуу гардаг гэдгийг та мэдэж байгаа. Гэтэл гаднаас дуудлага ирээгүй, таныг яриагүй үед ингэж дуу гараад байвал нөгөө нууц программ чинь мэдээлэл дамжуулдаг нууц дугаар руугаа залгаад эхэлсний шинж тэмдэг байж болно.

5.Холбогдох гэж удах

Хүн рүү залгахаар холбогдох гэж их уддаг болсон, салгахад мөн л тасрахгүй уддаг болсон бол нууцаар чагнаж байгаагийн бас нэг шинж тэмдэг байж болно. Нууц программ асаад хүний яриаг чагнаж эхлэх хүртэл тодорхой хугацаа шаардлагатай байдаг болохоор ингэж уддаг.

/Assa.mn/